پہ سیاسی بودناکی ءَاسٹیڈی سرکلانی مزنیں ارزشے ۔اسٹیڈی سرکل ءَما پہ وتی آسانیءَآگھی دیوان گوش اِیں۔پہ یک گلے ( پارٹی یے )ءَآگھی دیوان ءِ دومزنیں سوت اَنت ۔یکے اے کہ چہ دیواناں پہ گلءَنوکیں جھدکار دست کپ اِیت۔
آاے رنگ ءَکہ بی این ایم ءِجھدکار وتی ھما سنگتءَکہ بی این ایم ئِ پگر ءَگوں نزیکی دار اِیت وتی ھمراھیءَھمے دیواناں کاراِیت ءُآئی ءَچہ ھمے دیوان ءِ کمک ءَدیوان ءِ تہ ءَبھر زوروکیں بی این ایم ءِ دگہ جھدکارءَگوں پجاروک ءُسنگت کنائین اِیت ءُگوں وتی جھدکاریں سنگتانی شور ءَآئی
ءَبی این ایم جھدکار جوڑ کنگ ءِ راھے در گیج اِیت۔اے رنگیں سنگت کہ آھاں جھدکار پہ بی این ایم دوزواہ ءُباسک جوڑ کنگ ءَگچین کن اَنت کنٹکٹ بزاں پجاروک گ ´وش بنت ۔پجارو کاں باسک ءُجھدکارجوڑ کنگ ءِ لھتے ج ´وانیں راھبند ھست اَنت کہ آھانی سر ءَیک دگہ نبشتانکے ءَگپ جن آں ادءَبُنگپ آگھی دیوان اِنت کہ آئی ءِ دومی سوت ایش اِنت کہ چہ اے رنگیں دیواناں جھدکارانی سیاسی ھیلکاری بیت بلئے اے سیاسی ھیلکاری ھما وھد ءَ بوت کنت کہ مئے دیوان پہ ھمے نیمون ءَبہ بنت باز رند ءَما دیواناں لھتے انچیں بُنگپ گچین کن اِیں کہ چہ آھاں ابید چہ سیاسی ھال اھوال ءَھیلکاری نہ بیت۔
آگھی دیوان ءِ راھبند :
گل ءُٹولیانی میان ءَما کشکے اے پیم ءَرست کن اِیں کہ ٹولی وتی کار ءَپہ راہ ءُrراھبند نہ کن اَنت آھانی دلگو ش وتی کارءِ آسر کنگ ءِ سر ءَبیت ۔بلئے گلانی کارتوری سک کسان بہ بنت یاکہ مزن آچہ شور بندی ءَپد گیش اِتگیں راھنبد ے ءِ سرءَکنگ بنت ھر یک کارے ءِ یک مسترے ھم گچین کنگ بیت پہ درور پوسٹر جنگ یا کہ چاکنگ ءِ کار گندگ ءُ چوشیں کار نہ اَنت کہ پہ آھاں شوربندی یے پکار بیت بلئے پہ اے رنگیں کار اں ھم المی اِنت کہ شور بندی بہ بیت ءُکار ءِ یک مسترے گچین کنگ بہ بیت دانکہ آ کار ءِ نزوری ءُشریانی مانزمان بوت بہ کنت ۔ھمے پیم آگھی دیوان اگہ انچائیں دیوانانی پیم ءَ بہ بنت آکچ سوبمند بو ت نہ کنت کہ یک گیک ءُگومیں ( منظمیں ) دیوانے بیت ۔پہ بی این ایم ءِ آگھی دیواناں یک جتاءُ ءُگیگ گومیں (منظمیں ) ڈبے (اسٹرکچر ) کہ مایک ھنکینے ءَ تجرباتی راھبند ءِ ھساب ءَ ،گشینتگ اے رنگ اِنت ۔
(الف) : آگھی دیوانءِ ذمہ وار : آگھی دیوان بنزھانی تہ ءَبنت پمیشکا بنزہ ءِ چار گزار آگھی دیوان ءِ بندبست ءِ ذمہ واراِنت ۔
(ب) : آگھی دیوان ءِ مدت : آگھی دیوان باید ھمک ھپتگ یک گچینیں روچے ءَبہ بنت ۔
(ج):دیوان ءَت ´ران کنوک : اسٹیڈی سرکل کمیونسٹ پارٹیانی متعارف کُرتگیں شے یے رند ءَکہ مئے دمگ ءُ یاکہ دگہ دمگانی آشوبی گلاں اے کار دوست بوت
ھر یکے ءَایشی ءِ تہ ءَوتی ھساب ءَبدلی آورت ۔کمیونسٹ پارٹی ءِ سر کل سک باز مانگیشتگ ءُانچیں بُنگپانی سر ءَبوتگ اَنت کہ ا بید چہ لھتے زانتکاریں مردماں کسءَچہ آسر کلاں سوت زورت نہ کُرتگ ۔اے سر کل چیروکائی بوتگ اَنت ءُپہ سر کلاں سیل جوڑ کنگ بوتگ ھمک سیلانی انچیں شیواریں مستر بوتگ اَنت کہ آھانی سر ءَوتی آدگہ کستر پادیں سنگتانی سر کل دیگ ءِ ذمہ واری اَت ۔اے انچوش چیروکائی بوتگ اِت اَنت کہ کس ءَنہ زانتگ اَت کہ کجام سنگت کجام سیل ءَھوار اِنت ۔یک مزنیں مدتے ءَبلوچستان ءِ راجدوستیں گلاں ھم ھمے راھبند گیگان کُرت داں کہ بی این ایم ءِ 2008 ءِسیشن ءَاسٹیڈی سر کلانی نہ بوگ ءِ مستریں سبب ھمیش اَت کہ گیشتر سنگت دنیگت ھما راھبنداں مانگیش اِتگ اَت ۔گوں شھید واجہ ءِ ھمشوری ءَمااے ھبر ءِ سر ءَتپاک کُرت کہ مئے اسٹیڈی سر کل مئے جند ءِ لوٹانی
ھساب ءَبہ بنت پیش ءَاسٹیڈی سرکلانی تہ ءَکارل مارکس ءُ ءُلین وانینگ بوتگ اَنت بلئے مروچی اے گوں مئے جھدءَھمدپ نہ اَنت ۔مئے جنجال مولد ی )غلامی ) اِنت کہ پہ غلامی ءِ جنجالانی سر پدبوگءَسر پد کنائینگ ءَمارکسٹ بوگ ھژدری نہ اِنت بلکیں سَلا ھمیش بوت کنت کہ کسے اگہ بلوچ راجدوستی ءَسر پد بوگ لوٹ اِیت آ بلوچ راجد پتر ءَسر پد بہ بیت کہ مئے جھد ءِ سر چمگ اِنت ۔
پمیشکا من پہ وتی پارٹی ءِ سوجکاری دیواناں آگھی دیوان ءِ نام بستگ کہ اے چہ کمیونسٹ پارٹیانی اسٹیڈی سر کلاں گستا ئیں راھبندے ءَبنت۔اے سک چیروکائی ھم نہ بنت ءُچو ش پدرای ھم نہ بنت کہ ھر کس ءُناکس سر پد بہ بیت کہ مئے آگھی دیوان کجابوگ ءَاَنت البت ھر یک جھدکارے ءَاجازت ھست کہ وتی پجاروکاں دیوانءَبیار اِیت ۔ بی این ایم ءِ ھر ھما جھدکار کہ آگھی دیوان ءِ گیش اِتگیں بُنگپ ءِ سر ءَگپ جت کنت آدیوا ن ءِ ت ´رانکار اِنت ۔ترانکار باید بنگپ ءِ سر ءَنبشتہ بہ کنت ءُھمے نبشتانکءَبہ وان اِیت البت اے المی نہ اِنت بلئے اے ھبر دلگو ش کر زاِیت کہ آگھی دیوانءَماں وتی جند ے زبان(بلوچی۔براھو ی ) ءَابید دگہ ھچ زبان ءَگپ جنگ ءِ اجازت مہ بیت ۔
(د) : دیوان ءِ بندات : دیوان ءِ بندات چہ پجاروکی ءَبیت بزاں چہ مھمانجل ءِ جار ءَپد دیوان ءِ مردم گوں یک دومی ءَوتی پجار ءَکنائین اَنت ۔اے پجاروکی ھمک دیوانءَکنگ بیت دیوان ۔ توری ماں دیوان ءَ یک سنگتے ھم نوک آیوک مہ بیت ۔چہ پجاروکیءَکہ ھر یک سنگتے وت وتی نام ‘ گل ءِ تہ ءَاُگدہ ءُکار ءُکسب ءَگ ´وش اِیت جھدکار ءِ تہ ءَگپ جنگ ءِ ھاٹیگ پیداک بیت ۔اے بندری ھیلکاری اِنت کہ بی این ایم ءِجھد کار بایدیک جوانیں سیاسی کارکنے بہ بیت اگہ آ ماں تلو ءِ سر ءَگشتانک دات نہ کنت بلئے دیوانےءَوتی پارٹی ءِ بندری من ءُمول ءَگ ´وشت بہ کنت ءُدگہ سوتے ایش اِنت کہ دیوان ءِ تہ ءَبھر زوروکیں گیشترجھدکار وتا بی این ایم ءِ باسک گ ´وش اَنتءُنوک بھر زوروک چہ ھماھانی د پ ءَاِش ک ´ونگ ءَپد وت ھم وتا بی این ایم ءِ باسک یا دوزواہ گ ´وش اَنت ءُ ھمے دپ ءِ سیادی دیمترءَ مھکمیں لیکوی ھم بستگی یے جوڑ بیت۔
( ھ ) :دُریں دانک : دُریں دانک ءَمراد بلوچ راجی شھید ‘سروک یاکہ جھان ءِ شیوارءُسر پدیں مردمانی گ ´وشتن اِنت ۔دُریں دانک چوش پجاروکی ءَ” آگھی دیوان “ ءِ مدامی بھر اِنت چہ پجاروکیءَپد مھمانجل جار جنت کہ پلاں سنگت دُریں دانکے بہ گ ´وش اِیت ۔
(و ) : ت ´ران :نوں ایر کُرتگیں بُنگپ ءِ سرءَترانکار تران کنت ۔
( ذ) چمشانک : چہ تران ءَپد مھمانجل چہ دیوان ءِ درسیں سنگتاںیک پہ یک ءَجست کنت کہ آ چہ اے ترانءَچے سر پد بوتگ اَنت اگہ سنگتے یک گپے ءَسر پد نہ اِنت آ چہ مھمانجل ءِ موکل ءَترانکارءَجست بہ کنت ۔مھماجل ءِ جھد ھمے بہ بیت کہ درسیں بھرزوروک الم گپ بہ جن اَنت دانکہ آھانی تہ ءَگپ جنگ ءِ ترس در بئیت ۔
(ق ) دیم ءِ دیوا ن ءِ شور بندی : دیوان ءِ ھلاسی ءَسر آوکیں دیوان ءِ شوربندی کنگ ءُدیم ءِ دیوان ءِ” مھمانجل ‘دریں دانک دیوک ءُترانکار گشینگ بنت ءُمھمانجل پمیشکا بدل کنگ بیت دانکہ توامیںسنگتانی اے درگت ءَھیلکاری بہ بیت ۔
(ر ) :آگھی دپتر /آگھی دیوان دپتر : آگھی دیوان ءِ درسیںکارروئی یک دپترے ءِ تہ ءَنبیسگ بنت اے دپتر آگھی دپتر یا آگھی دیوان دپتر گ ´وشگ بیت ۔اے دپتر ءِ رد ءُبند اے رنگ اِنت کہ دپترے درسیں تاک نمبر جنگ بنت ۔پدا بندات ءَیک لڑے ( فہرست ) جوڑ کنگ بیت کہ آئی تہ ءَنمبر شمار ‘ بنگپ ‘ ترانکار ‘ رمس ( تاریخ ) ءُ تاکدیم (صفحہ نمبر ) ءِ جاگہ بنت ۔دانکہ اگہ کسے چہ دپتر ءَچزے چارگ بہ لوٹ اِیت آگوں آسانی چار اِت ئِے بہ کنت ۔دیوان ءِ ھال اے راھبندءَنبیسگ بیت کہ بنداتءَرمس ءُروچ ‘پدءَبنُگپ ءُترانکار ءِ نام ‘دریں دانک دیوک ءِ نام ءُبھرزورکانی نام نبیسگ بنت ءُجھل ءَھر کس کہ گپ جنت آئی ءِنام ءِ دیم ءَآئی ءِ ڈلگتریں گپ نبیسگ بنت پہ درور ” امجد: شھید غلام محمد ءِ گوشتن اِنت کہ دانکہ نہ مرئے زند ءِ کٹ نہ رس اِیت “ ۔
نوں بیااِت دیم ءِ تاکاں ھمے راھبندءَبوتگیں آگھی دیوانءَونتگیں لھتے نبشتانک وان اِیں دانکہ مارا پہ بُنگپانی گشینگ ءَکمے گیشترکمک ءُ سر پدی بہ رس اِیت ۔