بلوچستان ءُ گیشتر پہ مکوران ءِ مردماں کراچی یک انچیں بنجاھے کہ اد ءَ
آھاں سالے یک ءُ دورند الم آیگ لوٹ اِیت ، گندک ءُ سیل ءُ سوادی ھم ءُ
گیشتر پہ کار شری۔
نوشتاری ءُ سیاسی گر ءُ چیلاں کپگ ءَ پد کراچی ءَ پہ شنگ ءُ چاپی کاراں ھم مدام سرکپتگ اَت ۔ لیمارکیٹ ءِ ھوٹل ءِ دیم ءِ بنچ بلوچ ادب ءُ سیاست ءِ سر ھالانی سر ءَ دیوانجاہ اِت اَنت ، گوادر ءِ کریمک ھوٹل ءُ لیمارکیٹ ءِ اے بنچانی سر ءَ سسا ترانی ءُ سیاست کنوکانی میان ءَ تپاوتے اگاں ھست آ گالوار ءُ گالبندانیگ اِنت ، اد ءَ کریمک ھوٹل ءَ ھم ھمک کچ ءُ کساس ءِ مردماں اجازت ھست کہ چاگرد ، سیاست یا سائنس ءِ بنگپانی سر ءَ ھرچی کہ آھانی دپ ءَ کئیت بہ دْرشان اَنت ھمے پیم آ اُود ءِ ترانکار ھم ھترکش اَنت ، آ اُود ءَ ھترکش ءَ '' بم '' یا '' دبلٹ '' گوش اَنت۔
منی ھیال ءَ آ مرد من اولی رند ءَ ھمے بنچانی سر ءَ دیستگ اَت ، سیاہ چک ، پٹک ، مزن لاپ ، گپُڑاسک [ گول مٹول ۔ گُپّ پُڑاسک ] ءُ زنڈچمیں مردے اَت۔ اولی رند ءَ یکے ءَ پجاروک کرت کہ ’’ اے چیئرمین فتح اِنت ‘‘ بلوچ رائٹس کونسل ھم اَجبیں ادارھے ، نام چاگردی ءُ کمکی بلے کار سیاسی کنگ لوٹ اِیت ، راستین اِیش اِنت کہ من دلجم نہ آں کہ اے گل راجدوستی ءِ باندات ءَ مادنیں گامگیج زورگ ءِ بودشت دار اِیت بلے ’’ چیئرمین فتح ‘‘ چَہ آھاں نہ اَت کہ وتی سر ءَ مزنیں ذمہ واری لڈ اَنت ءُ ھمک تک ءُ پھنات ءَ مژگپولی کن اَنت ، تچک ءُ سادگیں ھبراں ھم ٹپاس ءُ کیاس کن اَنت ، راست چیئرمین فتح ، بلوچ رائٹس کونسل ءِ نام ءِ چیئرمین اَت ۔ اے ھبر ھم نہ اَت کہ ھدامرزی ءَ اُگدہ ءِ ھب اَت بلکیں اے ھم آئی ءِ گوں دلپاکی ءَ بندوکیں لھتیں شریانی داد اَت ، آ وتی سکیں سادگی ءِ سبب ءَ آسانی ءَ رَد دیگ ءُ کارمرد کنگ بوتگ اَت ۔
اولی رند ءَ لیمارکیٹ ءَ ملیر ءِ بس ودار جاہ ءِ ھوٹلانی بنچ ءِ سر ءَ رندءَ گوں وھاب بلوچ ءَ ، بی این ایف ءِ گیشتر پروگراماں چیئرمین فتح دوچار کپتگ اَت ، مِھروان ءُ دلپاک انچوش کہ اگاں ما سنگتاں کلاگ ھم زرتگ اَت آئی ءَ سما نہ کپتگ اَت کہ ما آئی ءَ ساڑایگ ءَ اِیں کہ ملنڈکنگ ءَ اِیں ۔ یک رندے من چیئرمین زھرکنگ ءَ ھم دیستگ بلکیں زھرشانی ءَ۔ گپ اِیش اَت کہ مارا چَہ وھاب بلوچ ءِ نیمگ ءَ بی این ایف ءِ نام ءِ سر ءَ کراچی پریس کلب ءِ دیم ءَ عبدالمالک ریگی ءِ پاھوءِ درگت ءَ زھرشانی ءِ سر ءَ ایراد اَت .............چیئرمین وتی سنگت ءِ پلہ مرزی کنگ ءَ اَت گپ ءُ گالوار تْرند، چم چوناھی ءَ ھدامرزی ءِ زَنڈ اِت اَنت بلے مئے گوشاں گْوش ئے آ انگت ھما فتح اَت کہ گیشتر ماں دیواناں راستی کونڈ ئِے دلبند ءَ جتگ ءُ بے تْرک ءُ توار ءَ نشتگ اَت ۔
شھید لالہ منیر ءِ ھم مست ملنگیں تبے اَت ، اگاں دست ئِے لاپ ءِ سر ءَ بستگ ءُ ٹانٹ ٹانٹ ءَ دیوال ئِے تکو داتگ ءُ نشتگ اَت گڑا کس ءَ باور نہ کرتگ اَت کہ انوں لالہ ٹاک دنت ءُ انچیں گپے جنت کہ دیوان ھم کندگ ءَ سیر نہ کنت ۔ خضدار ءَ بی این ایمءِ سینٹرل کمیٹی ءِ دیوان اَت ، دیوان برجاہ اَت کہ وھاب بلوچ ءُ چیئرمین فتح ھم رست اَنت ، سی سی دیوان ءَ درآمدیں مردمانی آیگ سی سی باسکاں نادوست بوت بلے کس ءَ ھچ نہ گْوشت ، چیئرمین فتح شھید لالہ ءِ کش ءَ نشت ،لالہ ءِ مُرک مُج اِتگ اَنت مابے تاھیری ودار ءَ اِت اِیں کہ کدی اے دوئیں در بہ کپ اَنت ءُ مئے دیوان دیم ءَبروت ، اناگت ءَ لالہ ءَ کند اِت ما درس اجکھے ءَ لالہ ءِ نیمگ ءَ چاراِت ، لالہ ءَ ٹاک دیان گوشت : ’’ ھا ں چیئرمین !ھما اشکوٹر ءِ کسہ ءَ بہ کن.....................‘‘
چیئر’مین فتح ءَ بچکند اِت ، گپ چوش اَت کہ چیئرمین ءِ زبان کمے چچ اَت ’’ ش ‘‘ ءِ جاہ ءَ ’’ س ‘‘ ءُ ’’ ش ‘‘ ءِ جاہ ءَ ’’ س ‘‘ ءِ توار ئِے کشتگ اَت ۔ چیئرمین فتح ءَ یک برے مڑاہ کرت بلے وھدے کہ شھید واجہ ءَ ھم پول اِت کہ : ’’ فتح اے اسکوٹر ءِ باریں چونیں کسھے ؟‘‘ ھدا مرزی ءَ کسہ بیان کُرت ، جاھے کہ آئی ءَ ’’ اسکوٹر ‘‘ گْوشت ، شھید لالہ ءَ چیٹ دات ’’ چیئرمین چی ؟ ...............اِشکوٹر۔‘‘
ھدامرزی فتح بلوچ رائٹس کونسل ءِ چیئرمین اَت بزاں لیڈر ۔ لیڈر اُستاد منگ بیت ، اُستاد ءَ نہ ایوک زانتکار ءُ شیوار بوگ لوٹ اِیت بلکیں آ باید وتی زانت ءَ دومی ءَ سرپد کنگ ءُ سرکنگ ءَ ھم بلد بہ بیت بلے مئے سادگیں چیئرمین چَہ اے بودشت ءَ زِبھر اَت بلے چوش نہ اَت کہ آ چَہ راجدوستی ءِ جوزگ ءَ ھم زِبھر اَت بلکیں آئی ءَ گوں وتی گلزمین ءُ بلوچ راج ءَ انچوش مِھر اَت کہ یک ٹوھیں زانتکارے ءَ بوت کنت ۔آئی ءِ سادگی ءُ چَہ سیاسی راھبنداں سر در نئے آرگ پمیشگا سھرا اَت کہ آئی ءَ دو تل ءُ دوپوستی نہ زانتگ اَت ، داں زند ءِ گڈی روچاں گوں شتل ءُ رُپت ءُ روپاں کہ بلوچستان ءِ نام ءِ سر ءَ لاپ گرگ ءُ ورگ ءَ اَنت ھمراہ بوگ ءَ پدھم آئی ءَ در نہ برت کہ چِہ پیم لاپ سیاست ءُ راج سیاست ڈَک دیگ(ھوار کنگ ) بنت ۔ اگاں ما چم ءَ پچ بہ کن ءُ شر بہ پول اِیں ابید چَہ یک ءُ دو سردارزادگ ءُ جنگی سروکاں دگہ دْرس نام ءِ سیاسی سروک اَنت ، چوش چیئرمین فتح ءَ نام ءِ چیئرمین ءُ سیکریٹری اَنت ۔ پارٹی ءُ زْرمبش ءِ مزنیں ھبربندی ءُ شَور ھما جاہ ءَ کہ بنت آ اُود ءَ نام ءِ چیئرمینانی زبان گنگ یا چَہ واجہ کارانی مزنی ءَ آھانی شَور ءُ پنت ھم ھما بنت کہ مزن واجہ کارانی لوٹ بیت ۔ اے میان ءَ اگاں کسے در بئے اِت ءُ بہ گْوش اِیت کہ من چیئرمین فتح بوگ نہ لوٹ آں گڑا آئی ءِ آسر مئے دیم ءَ اِنت ،آ ئی ءِ دْراھیں جھد ءُ زانت ھم پہ راھشون بوگ ءَ آئی ءِ کمک کرت نہ کن اَنت ۔
چیئرمین فتح بس یک ڈلگتریں درورے ، بلوچ جھد ءِ تہ ءَ نام ءِ چیئرمین ءُ راھشونانی ۔ کسے اگاں ھورت بہ چار اِیت گوں بلوچ را ج زْرمبش ءَ بندوکیں گیشتر کارست چَہ اندر ءَ چیئرمین فتح سما دئے اَنت ۔ ھمے پیم دانشوراں سیل کن بس دو نام ،کہ آھانی درگت ءَ گْوشگ بیت کہ گوں وتی راجی جوزگاں ھچ مردم ءِ دلکش ءُ وشانی ءَ نہ بستگ اَنت بلکیں آھانی ند (قلم ) ءُ زبان آمید بند ( ترازو ) ءِ کار ءَ کنگ ءَ اَنت ۔ ورناھیں ملک سراج اکبر ءُ سرگْرستگیں واجہ علی محمد تالپور ءِ دانک ءُ ھیال دمپارہ مارا چَہ چیئرمین فتح ءِ کارست ءَ وتا سندگ ءُ راج پھازی ءُ راج زْرمبش ءِ باندات ءَ نوکیں روال ءُ راھبندانی دربرگ ، جیڑگ ءُ تْرانکار ی ( مکالمہ) ءَ غداری سرپد نہ بوگ ءِ ھما راھبنداں وتی کنگ ءِ سکین ءَ دئے اَنت کہ آھانی تہ ءَ راجدوستی ایوک لھتیں مردمانی دلکش ءُ تب ءِ پابند نہ بیت بلکیں گوں زْرمبش ءَ بندوکیں ھمک مردم مشین ءِ جتائیں بھرانی ( پارٹس) پیم ءَ کار کنت ءُ آھانی تْوان پہ زْرمبش ءَ نپت ءِ کار ءَ کن اَنت ۔ اے ھیال ءِ دیم ءَ میلانک اَنت ھما مردم کہ آراجی سیاست ءِ تہ ءَ نام ءِ چیئرمین ، سکریٹری ، سیکریٹری اطلاعات ، ترجمان ءُ سیاسی جھدکار لوٹ اَنت کہ ایوک ھماھانی دلکش ءُ دلتبیں برنامہ ءِ سر ءَ بے تْرک ءُ توار کار بہ کن اَنت ، نظریاتی غلامانی اے لشکر بلوچستان ءَ کنڈ کنڈ ءَ شنگ ءُ تالان اِنت انچوش کہ وتی سرجمیں زند ءَ چیئرمین فتح ءَ پہ بلوچ جھد ءَ چوشیں مزنیں کارے نہ کرتگ کہ آئی ءِ اُگدہ ءِ لوٹ اَت ءُ یات کنگ بہ بیت ھمے پیم نظریاتی غلامانی لشکر پہ بلوچستان ءِ باندات ءَ زھم جت نہ کنت ۔ مرت کنت بلے وتی مرگ ءَ پہ جھد ءَ سوتمند کنگ ءِ راہ ءُ راھبنداں سرپد نہ بیت ، مڑ اِت کنت بلے انچیں ڈک جنگ (حملہ ) ءِ سنچ ءَ زِبھر اِنت کہ پہ آئی ءَ کمتریں واک ءُ وسیلت کارمرد بیت ءُ دژمن ءِ تاوان گیشتر بنت ۔
چیئرمین فتح ءِ ارواہ! پھل کن کہ تئی ساڑا ءَ من ستر لوٹ اِت کہ دروگ بہ بند آں بلے بست نہ کرت بلے زاناں تئی اے کرد ترا چَہ دگراں مستر نہ کنت؟ کہ تو رد، بد ءُ لاپچاریں مردمانی تہ ءَ ھم گوں دلستگ بلوچ ءُ بلوچ گلزمین ءَ دوستی کرتگ ۔ تو اے نہ چار اِتگ کہ پوسٹر، ریلی ءُ جاکانی پشت ءَ کے ءَ چینچک پوڑی ءُ بجاری گیپتگ چنت پہ مادنی ھرچ بوتگ ءُ چنت لاپچاراں لاپ کرتگ ..............چیئرمین فتح تو چَہ آ سنچ زِبھریں راھشوناں انگت شرتریں کردے ءِ واھند بوتگ ئے کہ وتا زانتکار سرپد بنت بلے آھانی زانت ھماھانی اندر ءَ جوشگ ءُ پُر بوگ ءَ اِنت ۔ چیئرمین! تو ایوک یک جْوانیں راھشونے نہ بوتگ ئے بس ۔ تو یک شریں سیاسی جھدکارے وَ بوتگ ئے تئی ھمے جوزگ اَت کہ ھما وھدی مئے پیمیناں ’’ بی ایل اے ‘‘ ءِ نام نہ زانتگ اَت تو کراچی ، مکوران ءُ بلوچستان ءِ دگہ شھراں’’ چار جماعتی ‘‘ ءِ ریلیانی تہ ءَ بی ایل اے ءِ پمفلٹ بھر کرتگ ۔ تئی بھر کرتگیں پمفلٹ من ھم دست گیپتگ اَنت ءُ انگت منی پوتینکاں ایر بنت ، آ وھدی من نہ زانتگ اَت کہ بلوچ راجدوستی چیا گْوش اَنت ءُ راجدوستانی لوٹ چی اَنت ؟ بہ گند ئے اے چَہ تئی بھر کرتگیں پمفلٹاں من دربرتگ ۔
نوشتاری ءُ سیاسی گر ءُ چیلاں کپگ ءَ پد کراچی ءَ پہ شنگ ءُ چاپی کاراں ھم مدام سرکپتگ اَت ۔ لیمارکیٹ ءِ ھوٹل ءِ دیم ءِ بنچ بلوچ ادب ءُ سیاست ءِ سر ھالانی سر ءَ دیوانجاہ اِت اَنت ، گوادر ءِ کریمک ھوٹل ءُ لیمارکیٹ ءِ اے بنچانی سر ءَ سسا ترانی ءُ سیاست کنوکانی میان ءَ تپاوتے اگاں ھست آ گالوار ءُ گالبندانیگ اِنت ، اد ءَ کریمک ھوٹل ءَ ھم ھمک کچ ءُ کساس ءِ مردماں اجازت ھست کہ چاگرد ، سیاست یا سائنس ءِ بنگپانی سر ءَ ھرچی کہ آھانی دپ ءَ کئیت بہ دْرشان اَنت ھمے پیم آ اُود ءِ ترانکار ھم ھترکش اَنت ، آ اُود ءَ ھترکش ءَ '' بم '' یا '' دبلٹ '' گوش اَنت۔
منی ھیال ءَ آ مرد من اولی رند ءَ ھمے بنچانی سر ءَ دیستگ اَت ، سیاہ چک ، پٹک ، مزن لاپ ، گپُڑاسک [ گول مٹول ۔ گُپّ پُڑاسک ] ءُ زنڈچمیں مردے اَت۔ اولی رند ءَ یکے ءَ پجاروک کرت کہ ’’ اے چیئرمین فتح اِنت ‘‘ بلوچ رائٹس کونسل ھم اَجبیں ادارھے ، نام چاگردی ءُ کمکی بلے کار سیاسی کنگ لوٹ اِیت ، راستین اِیش اِنت کہ من دلجم نہ آں کہ اے گل راجدوستی ءِ باندات ءَ مادنیں گامگیج زورگ ءِ بودشت دار اِیت بلے ’’ چیئرمین فتح ‘‘ چَہ آھاں نہ اَت کہ وتی سر ءَ مزنیں ذمہ واری لڈ اَنت ءُ ھمک تک ءُ پھنات ءَ مژگپولی کن اَنت ، تچک ءُ سادگیں ھبراں ھم ٹپاس ءُ کیاس کن اَنت ، راست چیئرمین فتح ، بلوچ رائٹس کونسل ءِ نام ءِ چیئرمین اَت ۔ اے ھبر ھم نہ اَت کہ ھدامرزی ءَ اُگدہ ءِ ھب اَت بلکیں اے ھم آئی ءِ گوں دلپاکی ءَ بندوکیں لھتیں شریانی داد اَت ، آ وتی سکیں سادگی ءِ سبب ءَ آسانی ءَ رَد دیگ ءُ کارمرد کنگ بوتگ اَت ۔
اولی رند ءَ لیمارکیٹ ءَ ملیر ءِ بس ودار جاہ ءِ ھوٹلانی بنچ ءِ سر ءَ رندءَ گوں وھاب بلوچ ءَ ، بی این ایف ءِ گیشتر پروگراماں چیئرمین فتح دوچار کپتگ اَت ، مِھروان ءُ دلپاک انچوش کہ اگاں ما سنگتاں کلاگ ھم زرتگ اَت آئی ءَ سما نہ کپتگ اَت کہ ما آئی ءَ ساڑایگ ءَ اِیں کہ ملنڈکنگ ءَ اِیں ۔ یک رندے من چیئرمین زھرکنگ ءَ ھم دیستگ بلکیں زھرشانی ءَ۔ گپ اِیش اَت کہ مارا چَہ وھاب بلوچ ءِ نیمگ ءَ بی این ایف ءِ نام ءِ سر ءَ کراچی پریس کلب ءِ دیم ءَ عبدالمالک ریگی ءِ پاھوءِ درگت ءَ زھرشانی ءِ سر ءَ ایراد اَت .............چیئرمین وتی سنگت ءِ پلہ مرزی کنگ ءَ اَت گپ ءُ گالوار تْرند، چم چوناھی ءَ ھدامرزی ءِ زَنڈ اِت اَنت بلے مئے گوشاں گْوش ئے آ انگت ھما فتح اَت کہ گیشتر ماں دیواناں راستی کونڈ ئِے دلبند ءَ جتگ ءُ بے تْرک ءُ توار ءَ نشتگ اَت ۔
شھید لالہ منیر ءِ ھم مست ملنگیں تبے اَت ، اگاں دست ئِے لاپ ءِ سر ءَ بستگ ءُ ٹانٹ ٹانٹ ءَ دیوال ئِے تکو داتگ ءُ نشتگ اَت گڑا کس ءَ باور نہ کرتگ اَت کہ انوں لالہ ٹاک دنت ءُ انچیں گپے جنت کہ دیوان ھم کندگ ءَ سیر نہ کنت ۔ خضدار ءَ بی این ایمءِ سینٹرل کمیٹی ءِ دیوان اَت ، دیوان برجاہ اَت کہ وھاب بلوچ ءُ چیئرمین فتح ھم رست اَنت ، سی سی دیوان ءَ درآمدیں مردمانی آیگ سی سی باسکاں نادوست بوت بلے کس ءَ ھچ نہ گْوشت ، چیئرمین فتح شھید لالہ ءِ کش ءَ نشت ،لالہ ءِ مُرک مُج اِتگ اَنت مابے تاھیری ودار ءَ اِت اِیں کہ کدی اے دوئیں در بہ کپ اَنت ءُ مئے دیوان دیم ءَبروت ، اناگت ءَ لالہ ءَ کند اِت ما درس اجکھے ءَ لالہ ءِ نیمگ ءَ چاراِت ، لالہ ءَ ٹاک دیان گوشت : ’’ ھا ں چیئرمین !ھما اشکوٹر ءِ کسہ ءَ بہ کن.....................‘‘
چیئر’مین فتح ءَ بچکند اِت ، گپ چوش اَت کہ چیئرمین ءِ زبان کمے چچ اَت ’’ ش ‘‘ ءِ جاہ ءَ ’’ س ‘‘ ءُ ’’ ش ‘‘ ءِ جاہ ءَ ’’ س ‘‘ ءِ توار ئِے کشتگ اَت ۔ چیئرمین فتح ءَ یک برے مڑاہ کرت بلے وھدے کہ شھید واجہ ءَ ھم پول اِت کہ : ’’ فتح اے اسکوٹر ءِ باریں چونیں کسھے ؟‘‘ ھدا مرزی ءَ کسہ بیان کُرت ، جاھے کہ آئی ءَ ’’ اسکوٹر ‘‘ گْوشت ، شھید لالہ ءَ چیٹ دات ’’ چیئرمین چی ؟ ...............اِشکوٹر۔‘‘
ھدامرزی فتح بلوچ رائٹس کونسل ءِ چیئرمین اَت بزاں لیڈر ۔ لیڈر اُستاد منگ بیت ، اُستاد ءَ نہ ایوک زانتکار ءُ شیوار بوگ لوٹ اِیت بلکیں آ باید وتی زانت ءَ دومی ءَ سرپد کنگ ءُ سرکنگ ءَ ھم بلد بہ بیت بلے مئے سادگیں چیئرمین چَہ اے بودشت ءَ زِبھر اَت بلے چوش نہ اَت کہ آ چَہ راجدوستی ءِ جوزگ ءَ ھم زِبھر اَت بلکیں آئی ءَ گوں وتی گلزمین ءُ بلوچ راج ءَ انچوش مِھر اَت کہ یک ٹوھیں زانتکارے ءَ بوت کنت ۔آئی ءِ سادگی ءُ چَہ سیاسی راھبنداں سر در نئے آرگ پمیشگا سھرا اَت کہ آئی ءَ دو تل ءُ دوپوستی نہ زانتگ اَت ، داں زند ءِ گڈی روچاں گوں شتل ءُ رُپت ءُ روپاں کہ بلوچستان ءِ نام ءِ سر ءَ لاپ گرگ ءُ ورگ ءَ اَنت ھمراہ بوگ ءَ پدھم آئی ءَ در نہ برت کہ چِہ پیم لاپ سیاست ءُ راج سیاست ڈَک دیگ(ھوار کنگ ) بنت ۔ اگاں ما چم ءَ پچ بہ کن ءُ شر بہ پول اِیں ابید چَہ یک ءُ دو سردارزادگ ءُ جنگی سروکاں دگہ دْرس نام ءِ سیاسی سروک اَنت ، چوش چیئرمین فتح ءَ نام ءِ چیئرمین ءُ سیکریٹری اَنت ۔ پارٹی ءُ زْرمبش ءِ مزنیں ھبربندی ءُ شَور ھما جاہ ءَ کہ بنت آ اُود ءَ نام ءِ چیئرمینانی زبان گنگ یا چَہ واجہ کارانی مزنی ءَ آھانی شَور ءُ پنت ھم ھما بنت کہ مزن واجہ کارانی لوٹ بیت ۔ اے میان ءَ اگاں کسے در بئے اِت ءُ بہ گْوش اِیت کہ من چیئرمین فتح بوگ نہ لوٹ آں گڑا آئی ءِ آسر مئے دیم ءَ اِنت ،آ ئی ءِ دْراھیں جھد ءُ زانت ھم پہ راھشون بوگ ءَ آئی ءِ کمک کرت نہ کن اَنت ۔
چیئرمین فتح بس یک ڈلگتریں درورے ، بلوچ جھد ءِ تہ ءَ نام ءِ چیئرمین ءُ راھشونانی ۔ کسے اگاں ھورت بہ چار اِیت گوں بلوچ را ج زْرمبش ءَ بندوکیں گیشتر کارست چَہ اندر ءَ چیئرمین فتح سما دئے اَنت ۔ ھمے پیم دانشوراں سیل کن بس دو نام ،کہ آھانی درگت ءَ گْوشگ بیت کہ گوں وتی راجی جوزگاں ھچ مردم ءِ دلکش ءُ وشانی ءَ نہ بستگ اَنت بلکیں آھانی ند (قلم ) ءُ زبان آمید بند ( ترازو ) ءِ کار ءَ کنگ ءَ اَنت ۔ ورناھیں ملک سراج اکبر ءُ سرگْرستگیں واجہ علی محمد تالپور ءِ دانک ءُ ھیال دمپارہ مارا چَہ چیئرمین فتح ءِ کارست ءَ وتا سندگ ءُ راج پھازی ءُ راج زْرمبش ءِ باندات ءَ نوکیں روال ءُ راھبندانی دربرگ ، جیڑگ ءُ تْرانکار ی ( مکالمہ) ءَ غداری سرپد نہ بوگ ءِ ھما راھبنداں وتی کنگ ءِ سکین ءَ دئے اَنت کہ آھانی تہ ءَ راجدوستی ایوک لھتیں مردمانی دلکش ءُ تب ءِ پابند نہ بیت بلکیں گوں زْرمبش ءَ بندوکیں ھمک مردم مشین ءِ جتائیں بھرانی ( پارٹس) پیم ءَ کار کنت ءُ آھانی تْوان پہ زْرمبش ءَ نپت ءِ کار ءَ کن اَنت ۔ اے ھیال ءِ دیم ءَ میلانک اَنت ھما مردم کہ آراجی سیاست ءِ تہ ءَ نام ءِ چیئرمین ، سکریٹری ، سیکریٹری اطلاعات ، ترجمان ءُ سیاسی جھدکار لوٹ اَنت کہ ایوک ھماھانی دلکش ءُ دلتبیں برنامہ ءِ سر ءَ بے تْرک ءُ توار کار بہ کن اَنت ، نظریاتی غلامانی اے لشکر بلوچستان ءَ کنڈ کنڈ ءَ شنگ ءُ تالان اِنت انچوش کہ وتی سرجمیں زند ءَ چیئرمین فتح ءَ پہ بلوچ جھد ءَ چوشیں مزنیں کارے نہ کرتگ کہ آئی ءِ اُگدہ ءِ لوٹ اَت ءُ یات کنگ بہ بیت ھمے پیم نظریاتی غلامانی لشکر پہ بلوچستان ءِ باندات ءَ زھم جت نہ کنت ۔ مرت کنت بلے وتی مرگ ءَ پہ جھد ءَ سوتمند کنگ ءِ راہ ءُ راھبنداں سرپد نہ بیت ، مڑ اِت کنت بلے انچیں ڈک جنگ (حملہ ) ءِ سنچ ءَ زِبھر اِنت کہ پہ آئی ءَ کمتریں واک ءُ وسیلت کارمرد بیت ءُ دژمن ءِ تاوان گیشتر بنت ۔
چیئرمین فتح ءِ ارواہ! پھل کن کہ تئی ساڑا ءَ من ستر لوٹ اِت کہ دروگ بہ بند آں بلے بست نہ کرت بلے زاناں تئی اے کرد ترا چَہ دگراں مستر نہ کنت؟ کہ تو رد، بد ءُ لاپچاریں مردمانی تہ ءَ ھم گوں دلستگ بلوچ ءُ بلوچ گلزمین ءَ دوستی کرتگ ۔ تو اے نہ چار اِتگ کہ پوسٹر، ریلی ءُ جاکانی پشت ءَ کے ءَ چینچک پوڑی ءُ بجاری گیپتگ چنت پہ مادنی ھرچ بوتگ ءُ چنت لاپچاراں لاپ کرتگ ..............چیئرمین فتح تو چَہ آ سنچ زِبھریں راھشوناں انگت شرتریں کردے ءِ واھند بوتگ ئے کہ وتا زانتکار سرپد بنت بلے آھانی زانت ھماھانی اندر ءَ جوشگ ءُ پُر بوگ ءَ اِنت ۔ چیئرمین! تو ایوک یک جْوانیں راھشونے نہ بوتگ ئے بس ۔ تو یک شریں سیاسی جھدکارے وَ بوتگ ئے تئی ھمے جوزگ اَت کہ ھما وھدی مئے پیمیناں ’’ بی ایل اے ‘‘ ءِ نام نہ زانتگ اَت تو کراچی ، مکوران ءُ بلوچستان ءِ دگہ شھراں’’ چار جماعتی ‘‘ ءِ ریلیانی تہ ءَ بی ایل اے ءِ پمفلٹ بھر کرتگ ۔ تئی بھر کرتگیں پمفلٹ من ھم دست گیپتگ اَنت ءُ انگت منی پوتینکاں ایر بنت ، آ وھدی من نہ زانتگ اَت کہ بلوچ راجدوستی چیا گْوش اَنت ءُ راجدوستانی لوٹ چی اَنت ؟ بہ گند ئے اے چَہ تئی بھر کرتگیں پمفلٹاں من دربرتگ ۔
.jpg)
Post a Comment