بلوچستان پاکستان کا سب سے زیادہ ظلم سہنے والاصوبہ ہے اوّل تو اس پر پاکستان کا قبضہ رضاکارانہ کے بجائے جابرانہ ہے جس قبضہ گیری کے بعد ہردن بلوچوں پر مظالم کی ایک نئی صبح طلوع ہوتی ہے ۔پاکستان کے بانی محمد علی جناح نے کہاتھاکہ پاکستان ایک ایسی ریاست ہوگی جہاں سب کوآزادانہ زندگی گزارنے کا حق حاصل ہوگالیکن اس کے برعکس بلوچستان میں انسانی آزادی بری طرح پائمال ہیں ۔جہاں لاٹھی کی زور پر اپنی مرضی کی حکومت قائم کی جاتی ہے جس کا کسی بھی معاملے پر کوئی اختیار نہیں اس جبر وقوت کے بے دریغ استعمال کے ردعمل میں بلوچ مزاحمت کاپےداہونااصولی ہے ۔فزکس کے قانون کے مطابق ہرعمل کاردعمل ہوتاہے اور سائنسی قوانین کی خاصیت یہ ہے کہ پوری کائنات میں ان کااطلاق یکساں ہوتاہے ۔جب کہ پاکستان طبقاتی اصول و قوانیں پر عمل پیراہے ۔بلوچوں کی سر پر ننگی تلوار لٹکاکرجب حکومت پاکستان امن قائم کرنا کا دعویٰ کرتی ہے تو ایک کمزور بلوچ پیچ وتاب کھاتارہ جاتاہے ۔لیکن بلوچ اس سے زیادہ کرئے توکےا؟۔۔۔۔بلوچ آج احتجاج کے تمام دستیاب وسائل استعمال کررہاہے ۔ہزاروں سر مچار سر ہتھیلی پر رکھ کر پہاڑوں میں بر سرِ پیکار ہیں تو لاکھوں سڑکوں پرچلارہے ہیں لیکن حکومت بلوچ کی سیاسی مزاحمت کی تمام راہیں مسدود کرنے پر تلی ہوئی ہے جب بھی کوئی بولتاہے ،ہلتاہے یااپنی قومی احساسات کابرملا اظہار کرتاہے حکومت کی خفیہ ایجنسیاں اسے راتوں رات غائب کردیتی ہیں ۔کراچی پریس کلب کے سامنے بلوچ مغویوں کی بازیابی کے لئے کافی عرصے سے لگا ہوا علامتی بھوک ہڑتالی کیمپ فوٹوگرافی کی دکان لگتی ہے جہاں لواحقین اپنے گمشدہ عزیزوں کے تصاویر سجاکر بیٹھے ہیں ۔ان کی فریاد نہ حکومت سنتی ہے نہ آزادی اظہاروانسانیت کے علمبردار روشن خیال پاکستانی صحافیوں کو ان کی حالت پررحم آتا ہے ۔الیکڑانک میڈیانہ ان کو مناسب کوریج دیتاہے نہ پاکستان کی پرنٹ میڈیامیں ان کے داستان الم چھپتے ہیں ۔بلوچ رہنماﺅں کے اغواءکا یہ سلسلہ اﷲ نذر سے شروع ہوا تو رکنے کا نام ہی نہیں لے رہا۔ہمارے ایک دوست کے بقول "ہم خو د کو ایک ڈبے میں بند کبوتروں کی طرح محسوس کرتے ہیں جہاں روزانہ ایک غیر مرئی طاقتورہاتھ گھس کر ہم میں سے کسی کو لے جاتاہے ۔"

گزشتہ ہفتے کوئٹہ پریس کلب کے سامنے شایددنیا کا سب سے طویل ترین علامتی بھوک ہڑتال بلانتیجہ ختم ہوا ۔علی اصغربنگلزئی اور حافظ سعید الرحمان بنگلزئی کے لواحقین نے اپنافیصلہ قرآن پر چھوڑتے ہوئے بھوک ہڑتال ختم کی ہے ۔کیمپ میں صوبائی وزیر داخلہ شعیب نوشیروانی نے گورنر بلوچستان اویس احمد غنی کے نمائندے کی حیثیت سے لواحقین سے کہا کہ" انہوں نے گمشدگان کے بارے میں تمام سرکاری ایجنسیوں سے معلومات کیاہے جن کے مطابق یہ دونوں ان میں سے کسی کے پاس نہیں میں نے اُن پر یقین کیاہے اور آپ بھی اس پر یقین کرتے ہوئے اپنافیصلہ قرآن پر چھوڑ دیں ۔"قرآن کے نام پر گزشتہ 58سالوں سے حکومت پاکستان بلوچوں کودھوکہ دیتی اور اسلام کی چھری سے ذبح کرتی آرہی ہے۔گوکہ حکمرانوں کے ان باتوں پر گمشدہ بلوچوں کے لواحقین کو یقین نہیں لیکن پھر بھی وہ اپنی بھوک ہڑتالی کیمپ میں رُکی زندگی کی گاڑھی کوہمیشہ یہی پارک نہیں کرسکتے ۔اس لئے انہوں نے بھوک ہڑتال مجبوراًختم کی ہوگی ۔ا س موقع پر علی اصغر بنگلزئی کے نمائندے نصراﷲ نے تقریر کرتے ہوئے کہاکہ :"ہم نے گورنر اویس غنی سے بہت سی نشستیں کیں لیکن کوئی نتیجہ سامنے نہیں آیاجب کہ سابقہ کورکمانڈر بلوچستان عبدالقادر بلوچ ، ڈائریکٹر آئی ایس آئی بریگیڈئیر صدیق اور ایم ایم اے کے رکن قومی اسمبلی حافظ حسین احمداس بات کے گواہ ہیں کہ انہوں نے یہ بات تسلیم کی تھی کہ علی اصغر بنگلزئی اس وقت آئی ایس آئی کی تحویل میں ہی اور تحقیقات کے بعد ا س کو رہا کردیا جائے گا۔"لواحقےن اس سے بڑھ کر عدم اعتمادکا اور کیا اظہا ر کریں ۔