آ من چَہ یک رندے ءَ گیش نہ دیستگ ایوک ماں سنگتانی دپ ءَ آئی ءِ نام اِش کرتگ ءُ بس۔
مروچی کہ آئی ءِ مرگ ءِ ھال اِنت منی دل گیمرتگ ‘ ھزار گمان ءُ وسواساں منءَ چاگرد ی کرتگ من ھچی نئے آں ، ھچ نوشتہ کرت ھم کنگ ءَ نئے آں۔ بی ایل ایف ءَ گْوشتگ کہ غدارے بوتگ،من ءَ آئی ءِ ھبر باور اِنت، سددرسد باور اِنت ، بلے پد ءَ ھم دلوں تاھیرگرگ ءَ نہ اِنت ۔۔۔۔۔۔منی بازیں سنگتے ھمے راہ ءَ شھید کنگ بوتگ من آھانی جتائی ءِ درد ، دورءُ مارشتاں گْوشت نہ کن آں۔ من چَہ شھید غلام محمد ءِ شھادت ءَ پدوتی سر شھید لالہ حمید ءِ کوپگءِ سرءَ ایر کرتگ ءُ ھیسکاران ءَ گْوشتگ کہ ’’نوں مئے ارسانی کانیگ ھشک بوتگ اَنت نوں مارا کسی مرگ ءُ ھچ رنگیں تاوانے ءِ سر ءَ گریوگ نئیت۔‘‘ بلے من وتی زبان موک اِت نہ کرت۔ایوک پہ ھنر ءُ رپک ارس بستگ اَنت چَہ چماں در نئے آینت بلے دل چَہ پیشیگیناں گیشتر گْریت ارسانی کانیگ ھشک بوتگ اَنت پمیشکا نوں چَہ دل ءَ ھون ءِ بوکیت۔ من وت ءَ ھزار رند ءَ رد دئے آں کہ’’ تو ارس نہ ریچگ ءِ سوگند وارتگ نہ گریوگ ئے نہ ‘‘ ءُ من ایمن بئے آں ‘ بلے ۔۔۔۔۔۔۔۔۔۔۔۔۔۔۔۔۔
دل گْوش اِیت:’’ ھچ مہ گْوش کہ تو ھچ نہ زان ئے ‘‘بلے بے گْوشگ ءَ ھم بیت نہ بئے آں۔وانوک توری منءَ گنوک بہ گْوش اَنت سنگ پہ سنگ بہ کن اَنت زبان ءَ چَہ بن ءَ بہ گْوج اَنت من گپ جن آں پرچاکہ اگاں ھچ مہ گْوش آں منی ھاموشی چوش سیاہ مار ءَ منءَ دج اِیت ءُ من پہ مدامی سنگ ءُ سیاہ بئے آں ۔
افضل اولی باجو نہ اِنت کشگ بوتگ پیسر ءَ ھم بازینیں کشگ بوتگ بلے آچَہ آ بازیناں یکے نہ اَت۔آئی ءِ سر ءَ باجو بوگ ءِ الزام سک دیریں جنگ بوتگ اَت بلے من ءَ بِھ باور نہ بوتگ کہ آئی ءَ پہ لَبّ بی ایل ایف ءِ راز پاشک کرتگ اَنت۔ ٹارچر سیلانی تہ ءَ درکپتگیں آیکیں مردم نہ اَ ت کہ چَہ آئی ءَ راز پاشک بوتگ اَنت ‘ دگراں من نہ زان آں بلے ھما سنگت کہ من دیستگ اَنت چَہ آھاں بازیناں انچوش گْوشتگ کہ’’ ما دزگیر بوگ ءَ پد وتی رضاءِ پابند نہ بوتگ اِیں ھرچے کہ مارا پر ماتگ اِش ما ھما رنگ ءَ کنگ ءَ لاچار اِت اِیں ۔۔۔۔۔۔۔۔آھاں ایوک پہ لٹ ءُ کٹ مارا اِے کار ءَ نہ پر ماتگ اَنت آھانی گْور ءَ بازیں دگہ رِ پک ھم ھست آ سوچن جن اَنت انچیں داروءُ درمان ھم وارین اَنت کہ مردم چَہ سدھ ءُ سما ءَ در کپ اِیت ءُ ھماھانی دست ءِ لیبوک بیت ۔۔۔۔۔ما وتی کیمپانی جا ہ ،راہ ءُ در دُرس گْوشتگ اَنت بلے داں ھمینچک ءَ کہ مازانتگ کہ ما گوں آھاں دروگ بست نہ کن اِیں۔برے برے ما آرد ھم دیگی کرتگ اَنت بلے بازبٹاک پہ دپ وش اِنت راستی ءَ آرنگ ءَ کنگ نہ بیت ۔‘‘
بہ گند ئے افضل دلبر ءَ ھم ھمے کارکرتگ ءُ چَہ دگراں گیشتر ءِے کرتگ بلے یکیں رندءِ گندگ ءَ گوں من سما نہ کرتگ کہ آپہ لَبّ اِے کارءَ کنگ ءَ اِنت ۔ اے ھبر بی ایل ایف ءِ عقیدہ ءِ ھساب ءَ شنگ اَت کہ ایجنسی کہ ھر چ مردمے یلہ دئے اَنت آھاں وتی ایجنٹ جوڑ کن اَنت پمیشکا چَہ ٹارچر سیلاں در اتکگیں دگہ یک ءُ دو ءُ سنگتانی ھال ھم افضل ءِ رنگ ءَ اِنت کہ نہ وتی سنگتانی گْور ءَ جاگہ اِ ش ھست نہ انچائیں مردمانی رنگ ءَ آسودگیں زند گوازینت کنگ ءَ اَنت ۔
ھما غدار کہ پہ لب ءُ سوت تئی سْر پانی تہ ءَ پتر اِیت یا پہ لب ءُ سوت باجوبیت آئی ءِ ءُ ھمائی ءِ کہ ٹارچر سیلانی تہ ءَ وتا داشت نہ کنت ءُ رازاں پاشک کنت گستائی (فرق) ھست ۔من انچیں گپےءَ ھم سر پد آں کہ لھتیں سنگتاں چَہ وتی دردادنی سوزمانءَ ٹارچر سیل ءِ تہ ءَ یک انچیں سنگتے ءِ سر ءَ دروگیں گپے اڈ کرت کہ آپیسر ءَ چَہ وتی سر ءَ جتگیں کیسانی سبب ءَ دارنڈیھ ءُ چیراَ ت ، ھمے سبب ءَ آئی ءِ شوھاز ءِ کار تیز کنگ بوت ءُ زوت درگیجگ ءُ آوار جنگ ءَ پد شھید کنگ بوت۔بلے ادءَ کسی بد نیتی گون نہ اَت اے یک نزانتکار ی یے اَت سنگتانی نہ زانتگ اَت کہ چَہ آھانی ھمے دورگیں ھبراں آ درگیجگ بیت۔ رند تر ءَ آسنگت(شھید) ءَ ھم ھال رستگ اَت پر چا کہ آئی ءِ سر ءَ چَہ ھمے گپ ءَ رند بازیں دگہ ایف آئی آر ھم درج کنگ بوت بلے آئیءَ ھچ گلہ نہ کرت نہ کہ آسنگت ءِے غدار گوشت اَنت ۔اے گپءَ بہ گند ئے آھانی گَل ( تنظیم) ءِ سروک ھم سر پد بہ بنت بلے نہ اِش کرتگ کہ آھاں ھمے کار ءِ کنوکاں ڈنڈ داتگ ءُ ڈنڈ دیگ ھم نہ لوٹ اِیت ۔پرچاکہ سپاھیگ ھم انچائیں مردم اَنت آھانی سر ءَ ھم ٹارچرسیلءِ لٹ کٹانی اثرانچائیں مردمانی رنگ ءَ بیت ءُ چَہ لٹ ءَ بد تریں انچیں داروءُ درمان ھست کہ انسان ءَ چَہ سما ءُ سنچ ءَ درکن اَنت ۔دگہ سنگتے گْوش اِیت کہ’’ آئی ءَ قلی کیمپ ءَ تریاق کشائینگ بوتگ۔ھردے کہ آھاں چیزے جست کنگی بوتگ تریا ک اِش نہ داتگ ءُ من وھدے کہ چَہ درد ءُ دورانی بازی ءَ چَہ آھاں تریاک لوٹ اِتگ ، آئی ءِ بدل ءَ چَہ من ءَ وتی جستانی پسواِش لوٹ اِتگ ‘باور بہ کن یک نابروبریں مردمے بروبریں مردمانی رنگ ءَ بِھ پگر کرت نہ کنت ۔‘‘
افضل دلبر چَہ شھید نصیر کمالان ءِ آوار جنگ ءَ چندیں روچ پیسرگوادر ءَ گوں آئی ءَ پیشی جنگ ءَ اَت ۔من ھمود ءَ ڈک وارتگ اَت من ھما وھد ءَ ھم آئی ءِ وڑءُ ڈول ءَ چاران آئی ءِ سر ءَ جتگیں بھتامانی سر ءَ جیڑاِت ۔گد ءِے چَہ سگریٹی پرانی سوچگ ءَ ٹنگ ٹنگ اِت اَنت ، چَہ چِلّ ءَ بار اَت ‘ جند ءِے ھم لاگر ءُ ھش اِتگ اَت۔ آئی ءِ من ھکس آئی ءِ بیگواھی ءِ وھد ءَ دیستگ اَت ھما وھد ءَ کہ آبی ایس او ءِ ھیر و اَت ءُ تیاب دپی دمگاں یک دلیریں سیاسی ورناے زانگ بوتگ اَت بلے آافضل کہ من دیم پہ دیم دیستگ سک پُرشتگ اَت ‘ ڈُراِتگ اَت، ھلاس اَت ۔من آئی ءِ چم ونت آں،دلمانگ اَت کہ مردم آئی ءَ ھما افضل دلبر بہ زان اَنت ءُ دوچار کپگ ءِ وھد ءَ گوں باھندیں جوزگاں دْروت ءُ سلام بہ کن اَنت بلے آ چَہ یک بامردے ءَ بدنامیں کردگاری جوڑ بوتگ اَت پمیشکا من ھم گوں آئی ءَ باز گپ نہ جت ۔
رند تر ءَ من گوں شھید ناکو نصیر کمالان ءَ ھمے درگت ءَ گپ جت :’’ افضل بزگ اِنت من چد ءُ پیسر بِھ نہ دیستگ من ءَ باو ر نہ بیت کہ اے غداری کنگ ءَ اِنت ،اے وتا وت ورگ ءَ اِنت ۔ اے شر کنگ بیت۔ اے ھما سند(عمر) ءِ مردم اِنت کہ منی نزءَ اے سند ءِ مردم اسپیتیں کاگد ءِ رنگ ءَ بنت اگاں یک نزانتکارے ءِ دست ءَ بہ کپ اَنت آ سر ءَ اِش بے سر یں کشک رند اِیت ءُ زوال اِش کنت اگاں یک نوشتہ کار ءُ سر پدیں مردمے ءَ دست بہ کپ اَنت آھانی سر ءَ انچیں ھیا ل ءُ بنگپ نویسگ بیت کہ داں کرن ایر کنگ ءُ پھریزگ کرز اَنت ءُ ارزش اِش چَہ تلاءِ تاک ءَ گیشتر بیت ۔‘‘
شھیدناکو نصیر کمالان ءَ مدامگیں رنگ ءَ وتی دراج ، بارگ ءُ چَلّیں دستان ءَ چیر گیج ءِ سر ءَ لتاران ءَ گْوشت :’’ نہ زان آں مردم انچوش گْوش اَنت اے مئے گْور ءَ بند بوتگ من ایشی ءِ تہ ءَ چوشیں ھبر ءِے سما نہ کرتگ بلے مردم ھمے ھبر ءَ کنگ ءَ اَنت کہ مرد تَرّ اِتگ (منحرف بوتگ)۔‘‘
من چُپ بوت آں ءُ منی چپی ءَ من ءَ چَہ تہ ءَ وران کرت ءُ من ھزار رند ءَ وتءَ افضل دلبر کرت ءُ جست کرت کہ تو چی کنگ ءَ ئے؟ ایشی ءِ پسو ءَ چَہ منی دل ءَ ھو ن ءِ بو اَتکءُ منی سما مجاں اندیم بوت۔ دومی پیشیءَ پیش من ءَ آھانی وکیلءَ ھال دات کہ’’ من ءَ فون کنگ ءُ افضل ءِ جست ءَ کنگ ءَ اَنت آافضل ءَ پد ءَ آوار جنگ لوٹ اَنت ۔‘‘گپ آئی ءِ راست اَت دومی پیش ءَ آگوں وتی گاڑیاں عدالت ءِ دپ ءَ پہ آئی ءِ آوار جنگ ءَ جاڑی بوت اَنت بلے افضل چَہ آھانی دست ءَ دراَتک ءُ دومی روچ ءَ ھال اَتک کہ افضل دلبر گوادر ءُ تربت ءِ راہ ءَ آوار جنگ بوتگ بلے پدءَ اے گپ دروگے بوت ءُ ھال اَتک کہ آوار جنگ نہ بوتگ۔ من ایمن بوت آں کہ نوں آ وتی مردمانی دست ءَ کپتگ آئی ءِ نادراھیں بالاد نوں پدءَ جا ندْراہ بیت ۔
دومی پیشیءَ شھید نصیر کمالان آوار جنگ بوت ، پدءَ شھید صدیق عیدو ءُ شھید یوسف نذر بلے افضل دلبر ءِ نا م من چَہ کسی دپ ءَ نہ اِش کرت۔اے درسیں سنگت کہ یک پہ یک آوار جنگ بوتگ اَنت ۔پہ ایشانی آوار جنگ ءَ دژمن ءِ زوراکی ءَ گیش آھانی جندءِ نا سر پد ی کمک بوتگ ۔ھما شپ ءَ کہ پہ منی آوار جنگ ءَ بیڑ آرگ بوت ءُ من لاچار کنگ بوت آں کہ درانڈیھ بہ بئے آں ،من تاھیریں جاگھے ءَ رسگ ءَ رند اولی فون شھید صدیق ءَ کرتگ ءُ گوں آئی ءَ ھمے گْوشتگ کہ ’’آ نوں پیشی مہ جنت چَہ پاکستانی عدالتاں انصاف ءِ امیدوار بوگ وتی جندءِ رد دَیگ اِنت‘‘
آئی ءَ گوں لاپروائی منی ھبرانی سر ءَ ٹاک دات ءُ کند اِت کہ’’ چوش بوت نہ کنت اگاں مارا اِش برگی بوت اِیں ھما روچ ءَ کہ ما درس یکیں وین ءَ سوار اِت اِیں برتگ اِت اِش۔‘‘
من ترانگ ءَ پر اِینت :’’ ھمے روچ ءَ کہ افضل ءِ چارگ ءَ اتکگ اَنت ھم ناکو اِش نہ برتگ کہ ھمود ءَ نندوک بوتگ ؟‘‘
’’چارآں باریں ۔‘‘بلے آئی ءَ منی ھبر نہ زرت ءُ ھمے پیشی ءِ روچ ءَ چست کنگ بوت ۔ من کہ وتی ھچ کیس ءِ پیروی نہ کرتگ چَہ آھاں گیشتر آزادیں رنگے ءَ وتی کار ھم کرت کرتگ اَنت ۔منی پیشیاں نہ روگ ءِ نیمون ھم ھمے بوتگ کہ اے رنگ ءَ من چَہ ایجنسیانی راڈار ءِ رینج ءَ کمے دیر تر اَنت منی ھچ راہ ءُ دگ مدامی نہ اِنت کہ من لازم آاُودءَ بروآں نہ کہ پہ من المی اِنت کہ منی وابجاہ ءُ نند جاہ مدامی بہ بنت۔ منی نز ءَ منی داں اینچک ءَ زندگ بوگ ءِ چَہ بازیں سبب ءَ یکیں ھمے ھم بوت کنت کہ من دژمن ءِ سر ءَ باز بھیسہ نہ کرتگ ھمے پیم منی ھمرازیں سنگت ھم کم اَنت۔
افضل دلبر بی ایل ایفءِ ھما کیڈراںھوار بوتگ کہ منی نزءَ آھانی زورگ گَلءِ مستریں ردی اَت پد ءَ آھانی ھیلکاری ھم آکچ ءَ نہ بوتگ کہ آ چوش اللہ نذر ءِ پیم ءَ پھتہ بہ بنت ۔پہ پھتہ بوگ ءَ ھیلکاری المی اِنت ءُ پہ ھمک کارءِ ھیلکاری ءَ یک سندے (عمر) ھستءُ پہ بی ایل ایف ءَ آئی ءِ سند ھم کسان اَت ءُ آھانی کیمپ ءِ بے راھبندی ءِ کسہ بچک بازاریانی دپ ءَ اِت اَنت آکمیپءَ تب ءُ کردگار ‘سسا ءِ ردءَ سنگتانی ھیلکاری سائنسی کچءُ کیلوانی ھساب ءَ نہ بوتگ۔
گْوش اَنت ’’ دْرچک چَہ وتی بر ءَ زانگ بیت ۔‘‘ایشی ءِ مطلب اِیش اِنت کہ اگاں یک درچکے(چوناھی ءَ اے بتل ءَ درچک ءَ مات ءُ پت ءُ بر ءَ مراد چک اِنت ‘بزاں چک ءَ گند ئے زانگ دنت کہ مات ءُ پتاں چون ھیل داتگ ) ءِ بر وش بہ بنت گڑا بزاں کہ آدرچ شریں دْرچکے ءُ توم کنگ کرزاِیت بلے اگاں بر ءِے وش مہ بنت گڑا گْوش اَنت کہ اے درچک شر نہ اِنت ءُ کس آئی ءِ گَڈّگ ءُ توم ءِ رودینگ ءَ ھب نہ بیت ھمے پیم کس پہ ھرابی ءُ ردیاں پھر نہ بنداِیت ءُ نہ کہ راھشون اِش کنت۔
افضل دلبر ءِ کوش ءِ سر ءَ بی ایل ایف ءِ بیانءِ تہ ءَ بازیں گپ ھست اَنت کہ باید مہ بوتین اَنت افضل ءِ درگت ءَ آھانی جوزگانی لھڑ زورگ جْوانیں ھبرے نہ اِنت من چَہ اے ھبر ءَ نزانتکار نئے آں کہ سپاہ ءِ راہ ءُ راھبند سک ترند گیر بنت بلے آھانی نزءَ سپاھیگانی ھم سک باز اَرزش بیت پد ءَ اے رنگیں جاور ءُ انچیں سپاھیگانی ارزش کہ وتی توامیں وشی ءُ زندمانی ءَ پہ وتی سپاہ(تنظیم) ءِ مول ءُ مراد اں ببا دئیگ ءَ اَنت سک باز اِنت پمیشکا من افضل دلبر ءَ گوں آدگہ غدار اں یک کنگ ءُ ڈنڈ دیگ ءِ سر ءَ ایرا د گرآں آئی ءِ کار ءُ کرد کہ پیش ءَ بوتگ اَنت چٹا سرگْوزکنگی نہ اَنت ءُ نہ کہ آئی ءِ رد ی ءِ آشکار کنگ پہ بی ایل ایف ءَ المی اَت ۔باید افضل دلبر یک سپاھیگے ءِ رنگ ءَ کورٹ مارشل کنگ بوت اِیںءُ آئی ءَ ڈنڈ دیگ ءَ پیسر گوں آئی ءَ ھم بستگیں مردم دلجم کنگ بوتین اَنت کہ مزدگر (منصف) ءَ ڈنڈ دیگ ءَ پیش شاھیم ءِ یک نیمگے آئی ءِ گناہ ءُ میار کرتگ اَنت ءُ دومی نیمگ ءَ آئی ءِ ھما کار ، کرد ءُ جفا کہ پہ بی ایل ایف ءَ کشتگ اَنت ءِے۔۔۔۔۔۔۔۔۔۔۔۔۔
آ من زندگی ءَ دیستگ اَت سک بزگ ءُ بدبھتیں مردمے سما بوت ‘ مرت ھم گوں ھمے بد بھتی ءَ۔ انچوش کہ آ لھتیں راجباھندیں مردمانی دست ءَ کپت ءُ ھماھانی رنگ ءَ رَج اِت ھم آئی ءِ بستار ھمیش اَت، وھدے کہ رستر ءُ جناورانی دست ءَ کپت ھم یک لیبوکے اَت ۔۔۔۔۔۔اگاں منی ارسانی کانیگ ھشک مہ بوت اِنت من افضل دلبر ءِ کوش ءِ سر ءَ سک گْریتگ اَت چَہ شھید غلام محمد ءِ شھادت ءَ ھم گیش ، چَہ لالہ ءُ احمد ءِ شھادت ءَ ھم گیش ۔آئی ءِ کسہ درد ، گم ءُ بژن ءِ کسہ اِنت ۔دردکہ وتی چُک دستان ء وت کشتگ ، گم کہ آئی ءَ وتی مھر ءُ دوستیانی بنزہ ترّ اِینتگ ءُ بھابوتگ اَت ‘بژن کہ آپر چا ھما روچی دژمن ءِ دست ءَ نہ کپت آھاں ھم انچوش کشتگ اَت بلے من شھید وَ گْوشت کرتگ اَت ‘ آئی ءِ میت گوں پھر مانشجاہ ءَ ایردات ءُ آئی ءِ ھاکانی منجار بوت کرتگ اَت ۔
مروچی کہ آئی ءِ مرگ ءِ ھال اِنت منی دل گیمرتگ ‘ ھزار گمان ءُ وسواساں منءَ چاگرد ی کرتگ من ھچی نئے آں ، ھچ نوشتہ کرت ھم کنگ ءَ نئے آں۔ بی ایل ایف ءَ گْوشتگ کہ غدارے بوتگ،من ءَ آئی ءِ ھبر باور اِنت، سددرسد باور اِنت ، بلے پد ءَ ھم دلوں تاھیرگرگ ءَ نہ اِنت ۔۔۔۔۔۔منی بازیں سنگتے ھمے راہ ءَ شھید کنگ بوتگ من آھانی جتائی ءِ درد ، دورءُ مارشتاں گْوشت نہ کن آں۔ من چَہ شھید غلام محمد ءِ شھادت ءَ پدوتی سر شھید لالہ حمید ءِ کوپگءِ سرءَ ایر کرتگ ءُ ھیسکاران ءَ گْوشتگ کہ ’’نوں مئے ارسانی کانیگ ھشک بوتگ اَنت نوں مارا کسی مرگ ءُ ھچ رنگیں تاوانے ءِ سر ءَ گریوگ نئیت۔‘‘ بلے من وتی زبان موک اِت نہ کرت۔ایوک پہ ھنر ءُ رپک ارس بستگ اَنت چَہ چماں در نئے آینت بلے دل چَہ پیشیگیناں گیشتر گْریت ارسانی کانیگ ھشک بوتگ اَنت پمیشکا نوں چَہ دل ءَ ھون ءِ بوکیت۔ من وت ءَ ھزار رند ءَ رد دئے آں کہ’’ تو ارس نہ ریچگ ءِ سوگند وارتگ نہ گریوگ ئے نہ ‘‘ ءُ من ایمن بئے آں ‘ بلے ۔۔۔۔۔۔۔۔۔۔۔۔۔۔۔۔۔
دل گْوش اِیت:’’ ھچ مہ گْوش کہ تو ھچ نہ زان ئے ‘‘بلے بے گْوشگ ءَ ھم بیت نہ بئے آں۔وانوک توری منءَ گنوک بہ گْوش اَنت سنگ پہ سنگ بہ کن اَنت زبان ءَ چَہ بن ءَ بہ گْوج اَنت من گپ جن آں پرچاکہ اگاں ھچ مہ گْوش آں منی ھاموشی چوش سیاہ مار ءَ منءَ دج اِیت ءُ من پہ مدامی سنگ ءُ سیاہ بئے آں ۔
افضل اولی باجو نہ اِنت کشگ بوتگ پیسر ءَ ھم بازینیں کشگ بوتگ بلے آچَہ آ بازیناں یکے نہ اَت۔آئی ءِ سر ءَ باجو بوگ ءِ الزام سک دیریں جنگ بوتگ اَت بلے من ءَ بِھ باور نہ بوتگ کہ آئی ءَ پہ لَبّ بی ایل ایف ءِ راز پاشک کرتگ اَنت۔ ٹارچر سیلانی تہ ءَ درکپتگیں آیکیں مردم نہ اَ ت کہ چَہ آئی ءَ راز پاشک بوتگ اَنت ‘ دگراں من نہ زان آں بلے ھما سنگت کہ من دیستگ اَنت چَہ آھاں بازیناں انچوش گْوشتگ کہ’’ ما دزگیر بوگ ءَ پد وتی رضاءِ پابند نہ بوتگ اِیں ھرچے کہ مارا پر ماتگ اِش ما ھما رنگ ءَ کنگ ءَ لاچار اِت اِیں ۔۔۔۔۔۔۔۔آھاں ایوک پہ لٹ ءُ کٹ مارا اِے کار ءَ نہ پر ماتگ اَنت آھانی گْور ءَ بازیں دگہ رِ پک ھم ھست آ سوچن جن اَنت انچیں داروءُ درمان ھم وارین اَنت کہ مردم چَہ سدھ ءُ سما ءَ در کپ اِیت ءُ ھماھانی دست ءِ لیبوک بیت ۔۔۔۔۔ما وتی کیمپانی جا ہ ،راہ ءُ در دُرس گْوشتگ اَنت بلے داں ھمینچک ءَ کہ مازانتگ کہ ما گوں آھاں دروگ بست نہ کن اِیں۔برے برے ما آرد ھم دیگی کرتگ اَنت بلے بازبٹاک پہ دپ وش اِنت راستی ءَ آرنگ ءَ کنگ نہ بیت ۔‘‘
بہ گند ئے افضل دلبر ءَ ھم ھمے کارکرتگ ءُ چَہ دگراں گیشتر ءِے کرتگ بلے یکیں رندءِ گندگ ءَ گوں من سما نہ کرتگ کہ آپہ لَبّ اِے کارءَ کنگ ءَ اِنت ۔ اے ھبر بی ایل ایف ءِ عقیدہ ءِ ھساب ءَ شنگ اَت کہ ایجنسی کہ ھر چ مردمے یلہ دئے اَنت آھاں وتی ایجنٹ جوڑ کن اَنت پمیشکا چَہ ٹارچر سیلاں در اتکگیں دگہ یک ءُ دو ءُ سنگتانی ھال ھم افضل ءِ رنگ ءَ اِنت کہ نہ وتی سنگتانی گْور ءَ جاگہ اِ ش ھست نہ انچائیں مردمانی رنگ ءَ آسودگیں زند گوازینت کنگ ءَ اَنت ۔
ھما غدار کہ پہ لب ءُ سوت تئی سْر پانی تہ ءَ پتر اِیت یا پہ لب ءُ سوت باجوبیت آئی ءِ ءُ ھمائی ءِ کہ ٹارچر سیلانی تہ ءَ وتا داشت نہ کنت ءُ رازاں پاشک کنت گستائی (فرق) ھست ۔من انچیں گپےءَ ھم سر پد آں کہ لھتیں سنگتاں چَہ وتی دردادنی سوزمانءَ ٹارچر سیل ءِ تہ ءَ یک انچیں سنگتے ءِ سر ءَ دروگیں گپے اڈ کرت کہ آپیسر ءَ چَہ وتی سر ءَ جتگیں کیسانی سبب ءَ دارنڈیھ ءُ چیراَ ت ، ھمے سبب ءَ آئی ءِ شوھاز ءِ کار تیز کنگ بوت ءُ زوت درگیجگ ءُ آوار جنگ ءَ پد شھید کنگ بوت۔بلے ادءَ کسی بد نیتی گون نہ اَت اے یک نزانتکار ی یے اَت سنگتانی نہ زانتگ اَت کہ چَہ آھانی ھمے دورگیں ھبراں آ درگیجگ بیت۔ رند تر ءَ آسنگت(شھید) ءَ ھم ھال رستگ اَت پر چا کہ آئی ءِ سر ءَ چَہ ھمے گپ ءَ رند بازیں دگہ ایف آئی آر ھم درج کنگ بوت بلے آئیءَ ھچ گلہ نہ کرت نہ کہ آسنگت ءِے غدار گوشت اَنت ۔اے گپءَ بہ گند ئے آھانی گَل ( تنظیم) ءِ سروک ھم سر پد بہ بنت بلے نہ اِش کرتگ کہ آھاں ھمے کار ءِ کنوکاں ڈنڈ داتگ ءُ ڈنڈ دیگ ھم نہ لوٹ اِیت ۔پرچاکہ سپاھیگ ھم انچائیں مردم اَنت آھانی سر ءَ ھم ٹارچرسیلءِ لٹ کٹانی اثرانچائیں مردمانی رنگ ءَ بیت ءُ چَہ لٹ ءَ بد تریں انچیں داروءُ درمان ھست کہ انسان ءَ چَہ سما ءُ سنچ ءَ درکن اَنت ۔دگہ سنگتے گْوش اِیت کہ’’ آئی ءَ قلی کیمپ ءَ تریاق کشائینگ بوتگ۔ھردے کہ آھاں چیزے جست کنگی بوتگ تریا ک اِش نہ داتگ ءُ من وھدے کہ چَہ درد ءُ دورانی بازی ءَ چَہ آھاں تریاک لوٹ اِتگ ، آئی ءِ بدل ءَ چَہ من ءَ وتی جستانی پسواِش لوٹ اِتگ ‘باور بہ کن یک نابروبریں مردمے بروبریں مردمانی رنگ ءَ بِھ پگر کرت نہ کنت ۔‘‘
افضل دلبر چَہ شھید نصیر کمالان ءِ آوار جنگ ءَ چندیں روچ پیسرگوادر ءَ گوں آئی ءَ پیشی جنگ ءَ اَت ۔من ھمود ءَ ڈک وارتگ اَت من ھما وھد ءَ ھم آئی ءِ وڑءُ ڈول ءَ چاران آئی ءِ سر ءَ جتگیں بھتامانی سر ءَ جیڑاِت ۔گد ءِے چَہ سگریٹی پرانی سوچگ ءَ ٹنگ ٹنگ اِت اَنت ، چَہ چِلّ ءَ بار اَت ‘ جند ءِے ھم لاگر ءُ ھش اِتگ اَت۔ آئی ءِ من ھکس آئی ءِ بیگواھی ءِ وھد ءَ دیستگ اَت ھما وھد ءَ کہ آبی ایس او ءِ ھیر و اَت ءُ تیاب دپی دمگاں یک دلیریں سیاسی ورناے زانگ بوتگ اَت بلے آافضل کہ من دیم پہ دیم دیستگ سک پُرشتگ اَت ‘ ڈُراِتگ اَت، ھلاس اَت ۔من آئی ءِ چم ونت آں،دلمانگ اَت کہ مردم آئی ءَ ھما افضل دلبر بہ زان اَنت ءُ دوچار کپگ ءِ وھد ءَ گوں باھندیں جوزگاں دْروت ءُ سلام بہ کن اَنت بلے آ چَہ یک بامردے ءَ بدنامیں کردگاری جوڑ بوتگ اَت پمیشکا من ھم گوں آئی ءَ باز گپ نہ جت ۔
رند تر ءَ من گوں شھید ناکو نصیر کمالان ءَ ھمے درگت ءَ گپ جت :’’ افضل بزگ اِنت من چد ءُ پیسر بِھ نہ دیستگ من ءَ باو ر نہ بیت کہ اے غداری کنگ ءَ اِنت ،اے وتا وت ورگ ءَ اِنت ۔ اے شر کنگ بیت۔ اے ھما سند(عمر) ءِ مردم اِنت کہ منی نزءَ اے سند ءِ مردم اسپیتیں کاگد ءِ رنگ ءَ بنت اگاں یک نزانتکارے ءِ دست ءَ بہ کپ اَنت آ سر ءَ اِش بے سر یں کشک رند اِیت ءُ زوال اِش کنت اگاں یک نوشتہ کار ءُ سر پدیں مردمے ءَ دست بہ کپ اَنت آھانی سر ءَ انچیں ھیا ل ءُ بنگپ نویسگ بیت کہ داں کرن ایر کنگ ءُ پھریزگ کرز اَنت ءُ ارزش اِش چَہ تلاءِ تاک ءَ گیشتر بیت ۔‘‘
شھیدناکو نصیر کمالان ءَ مدامگیں رنگ ءَ وتی دراج ، بارگ ءُ چَلّیں دستان ءَ چیر گیج ءِ سر ءَ لتاران ءَ گْوشت :’’ نہ زان آں مردم انچوش گْوش اَنت اے مئے گْور ءَ بند بوتگ من ایشی ءِ تہ ءَ چوشیں ھبر ءِے سما نہ کرتگ بلے مردم ھمے ھبر ءَ کنگ ءَ اَنت کہ مرد تَرّ اِتگ (منحرف بوتگ)۔‘‘
من چُپ بوت آں ءُ منی چپی ءَ من ءَ چَہ تہ ءَ وران کرت ءُ من ھزار رند ءَ وتءَ افضل دلبر کرت ءُ جست کرت کہ تو چی کنگ ءَ ئے؟ ایشی ءِ پسو ءَ چَہ منی دل ءَ ھو ن ءِ بو اَتکءُ منی سما مجاں اندیم بوت۔ دومی پیشیءَ پیش من ءَ آھانی وکیلءَ ھال دات کہ’’ من ءَ فون کنگ ءُ افضل ءِ جست ءَ کنگ ءَ اَنت آافضل ءَ پد ءَ آوار جنگ لوٹ اَنت ۔‘‘گپ آئی ءِ راست اَت دومی پیش ءَ آگوں وتی گاڑیاں عدالت ءِ دپ ءَ پہ آئی ءِ آوار جنگ ءَ جاڑی بوت اَنت بلے افضل چَہ آھانی دست ءَ دراَتک ءُ دومی روچ ءَ ھال اَتک کہ افضل دلبر گوادر ءُ تربت ءِ راہ ءَ آوار جنگ بوتگ بلے پدءَ اے گپ دروگے بوت ءُ ھال اَتک کہ آوار جنگ نہ بوتگ۔ من ایمن بوت آں کہ نوں آ وتی مردمانی دست ءَ کپتگ آئی ءِ نادراھیں بالاد نوں پدءَ جا ندْراہ بیت ۔
دومی پیشیءَ شھید نصیر کمالان آوار جنگ بوت ، پدءَ شھید صدیق عیدو ءُ شھید یوسف نذر بلے افضل دلبر ءِ نا م من چَہ کسی دپ ءَ نہ اِش کرت۔اے درسیں سنگت کہ یک پہ یک آوار جنگ بوتگ اَنت ۔پہ ایشانی آوار جنگ ءَ دژمن ءِ زوراکی ءَ گیش آھانی جندءِ نا سر پد ی کمک بوتگ ۔ھما شپ ءَ کہ پہ منی آوار جنگ ءَ بیڑ آرگ بوت ءُ من لاچار کنگ بوت آں کہ درانڈیھ بہ بئے آں ،من تاھیریں جاگھے ءَ رسگ ءَ رند اولی فون شھید صدیق ءَ کرتگ ءُ گوں آئی ءَ ھمے گْوشتگ کہ ’’آ نوں پیشی مہ جنت چَہ پاکستانی عدالتاں انصاف ءِ امیدوار بوگ وتی جندءِ رد دَیگ اِنت‘‘
آئی ءَ گوں لاپروائی منی ھبرانی سر ءَ ٹاک دات ءُ کند اِت کہ’’ چوش بوت نہ کنت اگاں مارا اِش برگی بوت اِیں ھما روچ ءَ کہ ما درس یکیں وین ءَ سوار اِت اِیں برتگ اِت اِش۔‘‘
من ترانگ ءَ پر اِینت :’’ ھمے روچ ءَ کہ افضل ءِ چارگ ءَ اتکگ اَنت ھم ناکو اِش نہ برتگ کہ ھمود ءَ نندوک بوتگ ؟‘‘
’’چارآں باریں ۔‘‘بلے آئی ءَ منی ھبر نہ زرت ءُ ھمے پیشی ءِ روچ ءَ چست کنگ بوت ۔ من کہ وتی ھچ کیس ءِ پیروی نہ کرتگ چَہ آھاں گیشتر آزادیں رنگے ءَ وتی کار ھم کرت کرتگ اَنت ۔منی پیشیاں نہ روگ ءِ نیمون ھم ھمے بوتگ کہ اے رنگ ءَ من چَہ ایجنسیانی راڈار ءِ رینج ءَ کمے دیر تر اَنت منی ھچ راہ ءُ دگ مدامی نہ اِنت کہ من لازم آاُودءَ بروآں نہ کہ پہ من المی اِنت کہ منی وابجاہ ءُ نند جاہ مدامی بہ بنت۔ منی نز ءَ منی داں اینچک ءَ زندگ بوگ ءِ چَہ بازیں سبب ءَ یکیں ھمے ھم بوت کنت کہ من دژمن ءِ سر ءَ باز بھیسہ نہ کرتگ ھمے پیم منی ھمرازیں سنگت ھم کم اَنت۔
افضل دلبر بی ایل ایفءِ ھما کیڈراںھوار بوتگ کہ منی نزءَ آھانی زورگ گَلءِ مستریں ردی اَت پد ءَ آھانی ھیلکاری ھم آکچ ءَ نہ بوتگ کہ آ چوش اللہ نذر ءِ پیم ءَ پھتہ بہ بنت ۔پہ پھتہ بوگ ءَ ھیلکاری المی اِنت ءُ پہ ھمک کارءِ ھیلکاری ءَ یک سندے (عمر) ھستءُ پہ بی ایل ایف ءَ آئی ءِ سند ھم کسان اَت ءُ آھانی کیمپ ءِ بے راھبندی ءِ کسہ بچک بازاریانی دپ ءَ اِت اَنت آکمیپءَ تب ءُ کردگار ‘سسا ءِ ردءَ سنگتانی ھیلکاری سائنسی کچءُ کیلوانی ھساب ءَ نہ بوتگ۔
گْوش اَنت ’’ دْرچک چَہ وتی بر ءَ زانگ بیت ۔‘‘ایشی ءِ مطلب اِیش اِنت کہ اگاں یک درچکے(چوناھی ءَ اے بتل ءَ درچک ءَ مات ءُ پت ءُ بر ءَ مراد چک اِنت ‘بزاں چک ءَ گند ئے زانگ دنت کہ مات ءُ پتاں چون ھیل داتگ ) ءِ بر وش بہ بنت گڑا بزاں کہ آدرچ شریں دْرچکے ءُ توم کنگ کرزاِیت بلے اگاں بر ءِے وش مہ بنت گڑا گْوش اَنت کہ اے درچک شر نہ اِنت ءُ کس آئی ءِ گَڈّگ ءُ توم ءِ رودینگ ءَ ھب نہ بیت ھمے پیم کس پہ ھرابی ءُ ردیاں پھر نہ بنداِیت ءُ نہ کہ راھشون اِش کنت۔
افضل دلبر ءِ کوش ءِ سر ءَ بی ایل ایف ءِ بیانءِ تہ ءَ بازیں گپ ھست اَنت کہ باید مہ بوتین اَنت افضل ءِ درگت ءَ آھانی جوزگانی لھڑ زورگ جْوانیں ھبرے نہ اِنت من چَہ اے ھبر ءَ نزانتکار نئے آں کہ سپاہ ءِ راہ ءُ راھبند سک ترند گیر بنت بلے آھانی نزءَ سپاھیگانی ھم سک باز اَرزش بیت پد ءَ اے رنگیں جاور ءُ انچیں سپاھیگانی ارزش کہ وتی توامیں وشی ءُ زندمانی ءَ پہ وتی سپاہ(تنظیم) ءِ مول ءُ مراد اں ببا دئیگ ءَ اَنت سک باز اِنت پمیشکا من افضل دلبر ءَ گوں آدگہ غدار اں یک کنگ ءُ ڈنڈ دیگ ءِ سر ءَ ایرا د گرآں آئی ءِ کار ءُ کرد کہ پیش ءَ بوتگ اَنت چٹا سرگْوزکنگی نہ اَنت ءُ نہ کہ آئی ءِ رد ی ءِ آشکار کنگ پہ بی ایل ایف ءَ المی اَت ۔باید افضل دلبر یک سپاھیگے ءِ رنگ ءَ کورٹ مارشل کنگ بوت اِیںءُ آئی ءَ ڈنڈ دیگ ءَ پیسر گوں آئی ءَ ھم بستگیں مردم دلجم کنگ بوتین اَنت کہ مزدگر (منصف) ءَ ڈنڈ دیگ ءَ پیش شاھیم ءِ یک نیمگے آئی ءِ گناہ ءُ میار کرتگ اَنت ءُ دومی نیمگ ءَ آئی ءِ ھما کار ، کرد ءُ جفا کہ پہ بی ایل ایف ءَ کشتگ اَنت ءِے۔۔۔۔۔۔۔۔۔۔۔۔۔
آ من زندگی ءَ دیستگ اَت سک بزگ ءُ بدبھتیں مردمے سما بوت ‘ مرت ھم گوں ھمے بد بھتی ءَ۔ انچوش کہ آ لھتیں راجباھندیں مردمانی دست ءَ کپت ءُ ھماھانی رنگ ءَ رَج اِت ھم آئی ءِ بستار ھمیش اَت، وھدے کہ رستر ءُ جناورانی دست ءَ کپت ھم یک لیبوکے اَت ۔۔۔۔۔۔اگاں منی ارسانی کانیگ ھشک مہ بوت اِنت من افضل دلبر ءِ کوش ءِ سر ءَ سک گْریتگ اَت چَہ شھید غلام محمد ءِ شھادت ءَ ھم گیش ، چَہ لالہ ءُ احمد ءِ شھادت ءَ ھم گیش ۔آئی ءِ کسہ درد ، گم ءُ بژن ءِ کسہ اِنت ۔دردکہ وتی چُک دستان ء وت کشتگ ، گم کہ آئی ءَ وتی مھر ءُ دوستیانی بنزہ ترّ اِینتگ ءُ بھابوتگ اَت ‘بژن کہ آپر چا ھما روچی دژمن ءِ دست ءَ نہ کپت آھاں ھم انچوش کشتگ اَت بلے من شھید وَ گْوشت کرتگ اَت ‘ آئی ءِ میت گوں پھر مانشجاہ ءَ ایردات ءُ آئی ءِ ھاکانی منجار بوت کرتگ اَت ۔
***
29-06-2011
29-06-2011
.jpg)
Post a Comment