داں زرگل بیر تئی آرام نہ بیت
بِھ ماں جھانءَ بلوچ وژنام نہ بیت

کاٹاری ٹپ دُراہ بئے اَنت بلکیں
پہ آپ ءَ پروشگ ارواہ ءِ ھوشام نہ بیت

بالاد ءَ آسین ءُ بہ کن استال
داں لُنجیں شپے مان اِیت گوربام نہ بیت

تچکیں راھشون بئے اَنت لکُو ءَپدر
لھڑ زھرگ ءِ دپ وشتام نہ بیت

دائم نگدیں سرانی سودا اِنت
آزاتی گرگ پہ وام نہ بیت

مریم ءِ تو بلوچ ءِ، لج ءِ مئے
واھگ ءِ بور بِھ گوں زور پالام نہ بیت

اے بہ بنیں باوست نہ بنت نپکار
راھجن کنت سرا پ ھمگام نہ بیت

لوزانی بزانت : ۔ھوشام : سک بازتنیگ ،آسین: آس بہ د ئے ، لکُو-ل َک ۔کُو: نشان ، دریا ورد (ماہی کُش ۔ مید ) وھدیکہ ماھور (دام ) ءَ آپ ءَ کن اَنت آئی ءِ سرءَ انچیں چزے بند اَنت کہ نہ بُڈ اِیت ءُماھور نشان بیت ۔ پالام : لگام دیگ ۔ سرا پ : پہ دُزی ، کشگ ،بدیں نیتے ءَراہ ءِ بندگ ، پہ شکار ءِگرگءَ وتاچیرکنگ۔