Showing posts with label بلوچی لچہ. Show all posts
Showing posts with label بلوچی لچہ. Show all posts
شھید واجہ (شھید غلام محمد ) ءِ نام ءَ
من گوں تو لیکہ ءِ سیادی ءَ بندوک
زبان اَنت جتا جتا گال یکیں دروک
*
ڈیل بالاد ءَ کور کُرت اَنت ھشیمی چیدگ
دُرھاپ ءَ گار بوت اَنت کانچ ءَ پْرشوک
*
پہ سرسر جنانیں کاروان ءِ سرھیلی ءَ
پکار اِنت دائم تھماروکیں سروک
Labels: 0 comments |
شھید غلا م محمد ءِگوشتن
ماتی شیکو ءِ یاتاں بہ گر
نازینتگ ئِے لیلو ءِ زیمر

حق ءِ زھم ءَ تو دست ءَ بہ کن
بہ بات پناہ تئی شاھیں قادر

روچے کفن ءِ کار ءَ کیئت
کوپگ ءَ اِیریں سیاھیں چادر

گوشتگ شھید غلام محمد ءَ
ھرد ئے مر ئے پہ ننگ ءَ مر

نہ بنت تِلا ہ ءُ‌ تنگہ بدل
گنج اَنت پہ ما مئے سنگ ءُ‌ ڈل
دیمپانی ءَ اوشتاتگ اَنت
کوھاں بلوچ ءِ گیدریں مَل
نہ بنت برات ھم شیریں تئی
گوں تو مِر اَنت تئی پگر ءِھمبل

گوشتگ شھید غلام محمد ءَ
ھرد ئے مر ئے پہ ننگ ءَ مر

لیبے نہ اِنت گڈ ڈاہ اِنت
اے مئے مرگ ءِ سودا اِنت
بہ کن سِلاہ بندیں جھد ء
تئی دژمن ءِ ھمے دوا اِنت
گوں تو نہ بیت اگہ ھمراھی
واتر ترا اجازہ اِنت

گوشتگ شھید غلام محمد ءَ
ھرد ئے مر ئے پہ ننگ ءَ مر

سگ اُوپار رازانی دارگ
جھد کارانی بے مٹیں توشگ
آزادی ءِ جنگ ءُ‌ میڑ ءَ
گردگ لو ٹ اِیت میتگ میتگ
ٹپاں نہ باں دژمن ءِ دور
اے دردانی سک وشیں مارگ

گوشتگ شھید غلام محمد ءَ
ھرد ئے مر ئے پہ ننگ ءَ مر

ھچ بے عمل زانتکار نہ اِنت
جھد پہ دپی پوتار نہ اِنت ش ۔ب
دُز ءُ‌ کلپ بدکاریں شتل
راجی سر ءُ‌ شوکار نہ اِنت
ڈیھ بِھ نہ بیت آجو چوش پہ دیم
اگہ راج ءِ سر آزار نہ اِنت
Labels: 0 comments |
نمیرانی ءِ کشک


شھید نور محمد ءِ نام ءَ


نشتگ ءُ‌ پرچہ توکن ئے چاری
چو نہ کُٹ اِیت مئے تئی واری
پہ ترا انچیں باری اتکگ
ھرکس ءَ لانکے پہ تئی پلگ بستگ
پوشگ ءَ درکن لگوری یے
تو بیا بہ کن ھمراھداری
ما وتی سُنگر کوھان کن اِیں
مشکانی بدل جوھان کن اِیں

Labels: 0 comments |
زرگلی بیر

داں زرگل بیر تئی آرام نہ بیت
بِھ ماں جھانءَ بلوچ وژنام نہ بیت


کاٹاری ٹپ دُراہ بئے اَنت بلکیں
پہ آپ ءَ پروشگ ارواہ ءِ ھوشام نہ بیت


بالاد ءَ آسین ءُ بہ کن استال
داں لُنجیں شپے مان اِیت گوربام نہ بیت

Labels: 0 comments |
Powered by Blogger.